Naziunal/Internaziunal - Shiffrin na quinta betg da turnar anc questa stagiun
La skiunza americana Mikaela Shiffrin na quinta betg ch’ella possia returnar anc questa stagiun. Sco quai ch’ella ha ditg ad ina gasetta americana saja ella leda sch’ella possia ir cun skis normal la fin da la stagiun.
Ch’ella vegnia a savair ir cursas anc questa stagiun, na saja betg probabel, ha ditg Mikaela Shiffrin ch’aveva dominà il slalom ed il slalom gigant l’entschatta da la stagiun. Shiffrin è dentant sa blessada sonda passada vid il schanugl avant il slalom gigant ad Are en Svezia.
