Ad Engelberg gudogna Halvor Egner Granerud l'occurrenza da siglir cun skis da la cuppa mundiala. El era gia suenter l'emprim sigl cun 133,5 m a la testa. Era ses segund sigl era cun 138 meters il meglier. Il Norvegiais gudogna per la quarta giada en questa stagiun, questa giada avant Kamil Stoch da la Pologna e Anze Lanisek da la Slovenia.
Il sulet Svizzer en il final, Gregor Deschwanden vegn sulet 27avel. Ils dus ulteriurs Svizzers, Simon Ammann e Dominik Peter, n'han gnanc cuntanschì il segund percurs.