Il vallesan Silvan Zurbriggen sa retira dil sport da skis. La raschun per quest pass, sajan las difficultads cun il dies, argumentescha il skiunz da prest 34 onns. Quellas sa mussian adina pli savens ed hajan gia impedì el ils davos dus onns.
Ils pli gronds success da Zurbriggen èn stads la medaglia da bronz il 2010 als gieus olimpics a Vancouver en la super-cumbinaziun e la medaglia d'argient dal campiunadi mundial dal 2003 a San Murezzan en il slalom.
Latiers ha Zurbriggen gudagnà duas cursas da la cuppa mundiala ed è stà 13 giadas sin il podest.
