Siglir tar il cuntegn

Naziunal/Internaziunal Simona Waltert – ina da las favuritas a Claustra

Sin il pastget legendar a Wimbledon è Simona Waltert da Cuira vegnida enfin il mezfinal tar il turnier da las junioras. La giuvna da 16 onns è uschia era en il tschertgel da favuritas a Claustra.

Purtret Simona Waltert
Legenda: Simona Waltert, la giuvna grischuna da 16 onns, è actualmain en fitg buna furma. RTR, Ursin Lechmann

Sin il palpiri è Simona Waltert il numer trais dal turnier. Bun pussibel ch’ella gioga anc la fin d’emna, vul dir ch’ella dumogna il pass en ils mezfinals. Waltert vul prender pass per pass e betg laschar metter sut squitsch. Ma tuttina di ella cler, ch’ella saja a Claustra per gudagnar. Mesemna frunta Waltert sin la Taliana Lisa Piccinetti.

Era tar ils juniors è in Grischun en il turnier. Jakub Paul, il campiun svizzer dals juniors U18, ha gudagnà senza problems l’emprima runda. En la segunda runda frunta el sin il Tschec Michael Vrebensky, il numer tschintg dal turnier.

RR actualitad 17:00