Naziunal/Internaziunal - Sion gioga bain ma croda ord l’Europa League
Ils 16avels finals muntan la fin per l’FC Sion. Suenter ina terrada da 1:2 el gieu a chasa gioga Sion in pari da 2:2 cunter ils portugais da Sporting Braga.
L’equipa vallesana dal trenader Didier Tholot ha giugà cun anim e cun schlantsch. A la fin basegna Sion dentant in gol per cuntanscher ils 8avel finals. Il 2:2 ordaifer cunter Braga na tanscha betg.
Curt avant la fin avess Sion anc gì la pussaivladad da marcar il gol decisiv ma il sajet da Vincent Rüfli tutga sulettamain la latta.
