La derasaziun dal virus da corona influenzescha er la cuppa mundiala da skis alpin dals umens. Las duas cursas – ina rapida ed in super-G – ch'eran previsas per la fin d'emna dals 15 e 16 da favrer a Yanqing en la China èn vegnidas annulladas. Las cursas valevan sco test en vista als Gieus olimpics 2022 a Peking.
Er sch'il ristg da la derasaziun dal virus da corona a Yanqing saja minimal, haja la sanadad dals atlets e da las autras persunas involvidas prioritad, ha communitgà la Federaziun internaziunala da skis FIS. La stagiun che vegn èn planisadas a Yanqing las cursas da test per las dunnas. La FIS emprova uss da chattar in nov termin per in'emprova generala per ils Gieus olimpics per ils umens.
Anc n'è betg enconuschent, nua che las cursas annulladas duain avair lieu. Sco pussaivel lieu è vegnì numnà Saalbach-Hinterglemm en l'Austria.
RTR novitads 10:00