Duas giadas ha Beat Feuz gia gudagnà la cursa legendara dal Lauberhorn, il 2012 ed il 2018. Plinavant è il matador local anc vegnì duas giadas segund, tranter auter avant in onn davos l’Austriac Vincent Kriechmayr. Feuz è er quest onn in dals gronds favurits, quai malgrà ch’el ha fatg in zic «pokern» en ils dus trenaments. El n’ha betg laschà mirar en sias cartas.
Ils pli gronds rivals da Beat Feuz che parta cun il numer 9 èn ils dus Svizzers Mauro Caviezel e Carlo Janka, ils dus Austriacs Matthias Mayer e Vincent Kriechmayr sco er il Talian Dominik Paris.
La cursa rapida dal Lauberhorn cumenza a las 12:30 uras.
audio
Bunura: Lauberhorn – L'atmosfera e las schanzas dals Svizzers
ord Actualitad dals 18.01.2020.
laschar ir. Durada: 7 minutas 9 Secundas.
RR actualitad 08:00