Siglir tar il cuntegn

Header

Ina skiunza sin pista.
Legenda: Il campiunadi mundial ha lieu sco planisà il 2021 a Cortina d'Ampezzo. Keystone
cuntegn

Ski alpin Campiunadi mundial a Cortina na vegn betg spustà

Uss èsi decidì: Il proxim campiunadi mundial da skis a Cortina d'Ampezzo na vegn betg spustà per in onn. La Federaziun internaziunala da skis ha refusà la dumonda dals organisaturs talians che levan manar atras il campiunadi mundial pir il 2022 enstagl da l'onn proxim.

Il campiunadi mundial da skis a Cortina d’Ampezzo en las Dolomitas vegn uss tuttina manà tras sco planisà dals 8 enfin ils 21 da favrer dal 2021, quai ha la FIS decidì la gievgia en ina conferenza da telefon.

Collisiun cun gieus olimpics

Pervia dallas malsegirtads en connex cun la pandemia da Corona aveva il comité d’organisaziun da Cortina proponì a la FIS la fin da matg da spustar quest campiunadi mundial per in onn. Lu avessi dentant dà il 2022 gist dus eveniments gronds entaifer mo curt temp. Il favrer dal 2022 han numnadamain lieu a Peking en China ils proxims gieus olimpics d’enviern.

Da vulair manar atras suenter quels gieus olimpics anc in campiunadi mundial aveva dentant manà a blera critica, oravant tut da vart dals atlets. Els sajan cuntents, ch'i saja vegnì chattà ina schliaziun, ha ditg Gian Franco Casper, il president dalla FIS.

Ord l'archiv da SRF:

Pervi dal coronavirus è quest onn crudà or il final dal campiunadi mundial da ski alpin a Cortina d'Ampezzo.

video
Weltcup-Finale 2020 in Cortina kann nicht stattfinden
Or da sportflash dals 06.03.2020.
laschar ir

RTR novitads 17:00;

Artitgels legids il pli savens

Scrollar a sanestra Scrollar a dretga