Siglir tar il cuntegn

Header

audio
Carlo Janka vul procurar per exploit a Kitzbühel grazia a sia rutina.
Or da Actualitad dals 21.01.2021.
laschar ir. Durada: 02:56 minutas.
cuntegn

Ski alpin Carlo Janka è pront per la Streif

10 giadas ha Carlo Janka gia absolvì la cursa rapida da Kitzbühel. Savens ha el mussà bunas prestaziuns sin la Streif, che vala sco la pli malsegira cursa da la cuppa mundiala. Il 2016 hai schizunt tanschì per il podest. Davos il Talian Peter Fill e ses collega d’equipa Beat Feuz è Janka vegnì terz.

Il skiunz da Sursaissa è in dals pli rutinads quest onn a Kitzbühel. El enconuscha sco paucs auters la Streif cun lur passaschas clav sco per exempel la Mausefalle il pli sisum u la Hausbergkante curt avant l’arrivada.

Emblidar las blessuras e morder sin ils dents

Malgrà che Carlo Janka è ì chau piz en la davosa cursa rapida avant trais emnas a Bormio è el pront per las duas cursas rapidas da quest onn sin la Streif a Kitzbühel. En il segund trenament ha il Grischun da 34 onns persvadì cun il tschintgavel plaz, quai er sch'el senta anc diversas blessuras da Bormio.

video
Il segund trenament da Beat Feuz
Or da Sport-Clip dals 21.01.2021.
laschar ir

A Kitzbühel vegn manà atras quest onn duas cursas rapidas ed in super-g. Ina cursa rapida remplazza quella dal Lauberhorn ch'è vegnida stritgada pervia da la pandemia da corona. Il grond trumf svizzer a la partenza è er quest onn Beat Feuz ch’è gia vegnì quatter giadas segund al classicher da Kitzbühel.

Program Kitzbühel 2021:

  • venderdi, ils 22-01-2021 a las 11.30 uras – cursa rapida
  • sonda, ils 23-01-2021 a las 11.30 uras – cursa rapida
  • dumengia, ils 24-01-2021 a las 10.20 uras – super-g

Actualitad 08:00

Artitgels legids il pli savens

Scrollar a sanestra Scrollar a dretga