Siglir tar il cuntegn

Header

cuntegn

Ski alpin Elia Zurbriggen sa retira dal sport da prestaziun

Sia decisiun ha Elia Zurbriggen, il figl da Pirmin Zurbriggen, communitgà sin Instagram. Per il skiunz vallesan da 29 onns è il slalom gigant ad Adelboden uschia stà l'ultima cursa da la carriera. Ses meglier resultat è stà in otgavel plaz a Kranjska Gora.

Elia Zurbriggen argumetescha sia decisiun tranter auter cun ils resultats ch'e n'han betg pli cuntentà el. El n'eria en la cuppa mundiala betg pli sut ils megliers 30 ed uss era betg pli en la cuppa d'europa. Lura stoppian ins bain sa dumandar sch'üins haja anc la motivaziun, il fieu ed il plaschair da cumenzar anc ina giada uschè bass.

Plinavant vegnia vitiers ch'el haja uss famiglia. Uschia haja el er ina tscherta responsabladad e na possia betg simplamain invester mintga franc en il sport da skis. Perquai saja el vegnì a la conclusiun ch'i saja temp per in nov chapitel.

RTR, novitads 12:00

Artitgels legids il pli savens

Scrollar a sanestra Scrollar a dretga