L’emna che vegn po il skiunz dal Vallais puspè trenar cun il team a Saas-Fee. Quai ha annunzià Swiss Ski. Murisier saja led da puspè pudair sa participar als trenaments cun il team e vegnia dar tut per puspè vegnir en quella furma ch’el era.
Avant in onn aveva Murisier gì ina ruptura dal liom cruschà ed uschia manchentà l’entira stagiun d’enviern. Igl era stà la terza blessura gronda dal spezialist per il slalom gigant.
RR novitads 12:00