Siglir tar il cuntegn

Header

cuntegn

Ski alpin Meillard per l'emprima giada sin podest en cumbinaziun

Per la terza giada dumogna Loïc Meillard en la cumbinaziun da la cuppa mundiala il sigl sin il podest. En la cumbinaziun a Bormio vegn il spezialist da slalom terz. Gudagnà la cursa ha il Franzos Alexis Pinturault. Segund è Aleksander Kilde.

ils trais skiunzs sin il podest.
Legenda: Keystone

Il podest

  1. Alexis Pinturault (FRA) 2:32,56
  2. Aleksander Kilde (NOR) +0,51
  3. Loïc Meillard (SUI) + 0,56

La basa per ses terz plaz da podest en trais disciplinas ha Meillard fatg en il Super-G. En quel è el vegnì otgavel. Grazia a la nova successiun da partenza n'ha el silsuenter gì nagin dischavantatg. Dapi questa stagiun partan ils pli svelts en la disciplina da speed sco emprims en il slalom. En il slalom ha Meillard pudì far bun tschintg posiziuns.

video
La buna prestaziun da Meillard en il Super-G
Or da Sport-Clip dals 29.12.2019.
laschar ir

Il Grischun Gino Caviezel e Justin Murisier èn vegnids tranter ils megliers diesch. Il skiunz da Lai, Stefan Rogentin è vegnì 14avel e po uschia festivar ses meglier resultat en la cuppa mundiala.

Ulteriurs Svizzers

  • 8. Gino Caviezel +2,66
  • 9. Justin Murisier +2,95
  • 14. Stefan Rogentin +4,35
  • 21. Gilles Roulin +5,62
  • 22. Urs Kryenbühl +5,81
  • 23. Niels Hintermann +5,96

RTR novitads 16:00

Artitgels legids il pli savens

Scrollar a sanestra Scrollar a dretga