Michael Bont ha accumpagnà las cursas da skis da las dunnas sco expert dapi la stagiun 2008/2009. Avant ha il Grischun da 45 onns tranter auter trenà ils spezialists da slalom tar Swiss Ski e la skiunza finlandaisa Tanja Poutiainen.
Suenter onns intensivs en il circus da skis internaziunal vul il scolast da sport e trenader s’orientar da nov, uschia ch’el banduna il team d’experts tar SRF. Tgi che daventa ses successur n’è anc betg sclerì. Michael Bont sa concentrescha il mument cumplettamain sin sia lavur sco trenader da cundiziun dal hockeyan Nino Niederreiter ed dal skiunz Carlo Janka, quels dus sportists ch’el accumpogna gia dapi onns.
RR novitads 14:00