Siglir tar il cuntegn

Header

video
La cursa da Beat Feuz
Or da Sport-Clip dals 27.12.2019.
laschar ir. Durada: 1 minuta 57 Secundas.
cuntegn

Ski alpin Mo Paris è stà pli svelt che Feuz

Beat Feuz è vegnì segund en l'emprima da duas cursas rapidas a Bormio. Pli svelt ch'il Svizzer è be stà il Talian Dominik Paris cun in avantatg da 0,39 secundas. Terz è vegnì l'Austriac Matthias Mayer.

Cunzunt en la part enfin l'emprim temp intermediar ha Feuz pers temp. Suenter ha el mussà ina fitg buna prestaziun, malgrà ch'el ha fatg la cursa cun in det rut. Da las 16 ultimas cursas rapidas en la cuppa mundiala è Feuz stà 14 giadas sin il podest. Dominik Paris ha gudagnà per la terza giada en seria e totalmain per la quarta giada la cursa rapida a Bormio.

Il podest

  1. Dominik Paris (ITA) 1:49,56 minutas
  2. Beat Feuz (SUI) +0,39 secundas
  3. Matthias Mayer (AUT) +0,42 secundas

Ulteriurs svizzers

  • 13. Urs Kryenbühl +1,82 secundas
  • 22. Carlo Janka +2,54 secundas
  • 33. Niels Hintermann +3,11 secundas
  • 34. Gilles Roulin +3,17 secundas
  • 43. Ralph Weber +3,87 secundas
  • 45. Nils Mani +4,33 secundas
  • 47. Stefan Rogentin +4,47 secundas
  • 52. Lars Rösti +5,17 secundas

La cursa rapida dal venderdi remplazza quella da la Val Gardena. La sonda van ils skiunzs in'ulteriura cursa rapida Bormio.

RTR novitads 14:00

Artitgels legids il pli savens