Siglir tar il cuntegn

Header

Pista a Kranjska Gora.
Legenda: Er Kranjska Gora ha annullà las cursas da skis da la cuppa mundiala. (maletg d'archiv) Keystone
cuntegn

Ski alpin umens Er naginas cursas a Kranjska Gora

Pervia dal coronavirus han ils responsabels uss er desditg las ultimas cursas da la cuppa mundiala da skis alpin. Quellas avessan gì lieu la fin d'emna che vegn a Kranjska Gora en la Slovenia. La sonda fiss stada ina cursa da slalom gigant e la dumengia ina da slalom .

Il Norvegiais Aleksander Kilde gudogna uschia il classament general da la cuppa mundiala e cun quai la gronda culla da cristal. Quai avant Alexis Pinturault da la Frantscha e Henrik Kristoffersen da la Norvegia. Kilde è il quart Norvegias che gudogna la gronda culla. Kjetil-André Aamodt aveva gudagnà quella il 1994, Lasse Kjus il 1996 ed il 1999 ed Aksel Lund Svindal il 2007 e 2009.

RTR novitads 11:00

Artitgels legids il pli savens

Scrollar a sanestra Scrollar a dretga