En la cursa da ski-cross en Val Thorens en Frantscha stat Fanny Smith sisum il podest. Per ella è quai la 20avla victoria en la cuppa mundiala. Smith ha gudagnà avant la Svedaisa Sandra Näslund e la Canadaisa Courtney Hoffos.
En l'emprima cursa da la stagiun ch'è stada ier, ha Fanny Smith anc stuì sa cuntentar suenter in sbagl en il mezfinal cun il 5avel plaz.
Berry cupitga e vegn quart
Il Grischun Joos Berry ha gì discletg. El ha pers la ballantscha ed è cupitgà en il final. Uschia hai tanschì al skiunz da 29 onns per il quart plaz. Gudagnà ha il Canadais Kristofor Mahler ch'è surprendentamain stà pli spert ch'il duo franzos da Bastien Midol e Jean-Frédéric Chapuis. Mahler ha gudagnà per l'emprima giada ina cursa en la cuppa mundiala.
video
Berry cupitga en il final
Or da sportlive dals 07.12.2019.
laschar ir. Durada: 2 minutas 10 Secundas.
RTR novitads 12:00+