Gia sco avant in onn vegn Alex Fiva terz a las cursas da chasa. Cunquai ch'el ha duvrà il bratsch cunter l'Austriac Adam Kappacher en il percurs da final ha la giuria anc gì d'analisar il cas. Ella è lura stada dal maini che tut saja stà correct ed uschia ha Fiva pudì festivar sia emprima plazza da podest quest onn. Gudagnà tar ils umens ha il Canadais Kevin Drury.
Fanny Smith ha gì fortuna en ses percurs da final. Suenter in contact ha ella pudì restar en la cursa ed ha anc pudì surpassar la Svedaisa Sandra Näslund sin ils ultims meters da la cursa ch'è sulet 500 m lunga. La victoria ha ella stuì laschar a la Canadaisa Marielle Thompson.
RTR novitads 06:00