In podest svizzer datti tar l'emprima cursa da la cuppa mundiala dal skicross da questa stagiun. En la Val Thorens en Frantscha vegn il Bernais Ryan Regez terz. Victur daventa il Canadais Kevin Drury. Ils Grischuns Joos Berry ed Alex Fiva èn crudads ora en ils otgavel-finals. Per Regez èsi la terza giada en sia carriera ch'el cuntanscha ina plazza tranter ils trais megliers.
Tar las dunnas n'arriva nagina Svizra en il final. La dominatura da la stagiun passada e victura dal classament general, Fanny Smith, è crudada or suenter in sbagl durant il mezfinal. En il pitschen final ha Smith alura puspè mussà ina ferma prestaziun ed è vegnida 5avla. Victura daventa la Svedaisa Sandra Naeslund.
RTR novitads 14:00