Ryan Regez va per la segunda giada questa stagiun sin il podest. Il bernais è vegnì a Val Thorens segund. Sulettamain il canadais Reece Howden è stà pli svelt. Per ils ulteriurs svizzers, tranter quels er Alex Fiva, è la cursa stada a la fin suenter ils quartfinals. Il Grischun è la finala vegnì 15avel.
Tar las dunnas è Fanny Smith vegnida tschintgavla suenter ch'ella ha ier anc gudagnà. En il mezfinal ha la Franzosa Jade Grillet Aubert stuschà ella da la pista. Grazia a la victoria en il final pitschen ha Smith pudì defender il timun en il classament general. – Talina Gantenbein è vegnida otgavla. Gudagnà a Val Thorens ha l'Austriaca Katrin Ofner, per ella l'emprima victoria en la cuppa mundiala.