Skis: Viktoria Rebensburg gudogna a Sölden

Gudagnà la cursa ha Viktoria Rebensburg da la Germania. Segunda è vegnida Tessa Worley da la Frantscha, terza la Taliana Manuela Mölgg. Meglra Svizra a Sölden è vegnida Wendy Holdener sin plaz sis. Lara Gut era crudada ora en l'emprim percurs.

Viktoria Rebensburg gudogna l'emprima cursa da la stagiun. Bild in Lightbox öffnen.

Legenda da maletgs: Viktoria Rebensburg gudogna l'emprima cursa da la stagiun. Keystone

Viktoria Rebensburg s'ha posiziunà suenter l'emprim percurs suenter Manuela Mölgg e Mikaela Shiffrin sin il terz rang intermediar. Suenter ina segunda runda cun ina cursa schubra dumogna ella la via sisum il podest.

Nagin segund percurs per Gut

Planisà era il comeback da la skiunza tessinaisa suenter la ruptura dal liom cruschà pir il november durant la cursa a Killington en l'America dal Nord. Sco ella ha ditg sez, saja la partenza a Sölden impurtanta per guardar co il corp ed il schanugl reageschia sin la cursa. Quai saja ina experientscha che vegnia a gidar ella durant l'entir enviern.

Suenter la cursa è Lara Gut lura er sa mussada cuntenta: L'adrenalin ed il sentiment per la cursa sajan stads qua. Però cler i manchian ils kilometers. Uschiglio avessi ella pir gì a Killington quest sentiment ed uss sappia ella nua ch'il pedal da gas saja.

RR novitads 11:00+