Ramon Zenhäusern ha manchentà per il nair da l'ungla il plaz sisum il podest en il slalom a Zagreb. Al Svizzer che manava anc suenter l'emprim percus han mancà 7 tschientavels per batter il Franzos Clément Noël. Terz è vegnì il Talian Alex Vinatzer.
Zenhäusern è l'emprim Svizzer ch'ha dumagnà il sigl sin il podest a Zagreb. Clément ha pudì festivar sia quarta victoria en la cuppa mundiala, l'emprima durant quest enviern.
Ils ulteriurs skiunzs svizzers n'han betg pudì far furora. Tanguy Nef e Daniel Yule han anc dumagnà da far puncts.
24avel Tanguy Nef
27avel Daniel Yule
OUT Loïc Meiillard, Luca Aerni, Sandro Simonet e Reto Schmidiger
