Siglir tar il cuntegn

Header

video
Il segund percurs da Marco Schwarz
Or da Sport-Clip dals 10.01.2021.
laschar ir. Durada: 1 minuta 12 Secundas.
cuntegn

Slalom ad Adelboden Trais Svizzers tranter ils top 10 – ma nagin plaz da podest

Per in plaz da podest per ils umens svizzers en il slalom n'hai questa dumengia betg tanschì ad Adelboden. Loïc Meillard ch'era suenter l'emprim percurs anc terz è la finala vegnì 5avel ed uschia er meglier Svizzer – gist avant ses cumpatriots Tanguy Nef e Daniel Yule.

Il podest

  • 1. Marco Schwarz (AUT) 1:52,69
  • 2. Linus Strasser (GER) +0,14
  • 3. Dave Ryding (GBR) +0,15

Gudagnà il slalom dad Adelboden da questa dumengia ha l'Austriac Marco Schwarz avant il Tudestg Linus Strasser ed il Brit Dave Ryding. Per Marco Schwarz è quai la terza victoria en la cuppa mundiala. Clément Noël ch'era suenter l'emprim percurs anc a la testa è a la fin arrivà sin plaz 8, quai cun in retard da be 0,38 secundas.

Ils Svizzers

  • 5. Loïc Meillard +0,19
  • 6. Tanguy Nef +0,23
  • 7. Daniel Yule +0,29
  • 13. Ramon Zenhäusern +0,89
  • 20. Luca Aerni +1,61
  • 21. Marc Rochat +1,90
  • Crudà or en il segund percurs: Noel von Grünigen

La meglra prestaziun dals Svizzers ha mussà Loïc Meillard ch'era suenter l'emprim percurs anc sin plaz 3. Per in plaz da podest han a la fin mancà ad Meillard be 4 tschientavels.

RTR novitads 12:00

Artitgels legids il pli savens