Wendy Holdener cuntanscha per l'emprima giada en sia carriera il sigl sin il podest en in slalom gigant. Suenter che la Svizra era anc suenter l'emprim percurs sin plazza 5 dal classament, ha ella en il segund percurs mussà in'ulteriura ferma prestaziun e laschà tant la slovaca Petra Vlhova sco er la taliana Marta Bassino davos ella,
Gudagnà la cursa ha la taliana Federica Brignone avant la norvegiaisa Mina Fürst Holtmann. Per Holtmann èsi l'emprima plazza da podest insumma en sia carriera. Fin uss aveva la norvegiaisa cuntanschì sulettamain ina giada ina plazza tranter las top 10 en la cuppa mundiala.
Il podest:
- 1. Federica Brignone 2:12.59
- 2. Mina Fürst Holtmann +0.04
- 3. Wendy Holdener +0.44
Las ulteriuras svizras
- 13. Lara Gut-Behrami +1.23
- 27. Aline Danioth +2.70
- 29. Michelle Gisin +2.82
Corinne Sutter, Simone Wild ed Andrea Ellenberger han tuttas manchentà la qualificaziun per il segund percurs.
RTR novitads 14:00