Naziunal/Internaziunal - Slalom gigant a Flachau: suenter l’emprim percurs è Lara Gut 4.
A Flachau en l'Austria han las dunnas absolvì in slalom gigant da la cuppa mundiala. Suenter l’emprim percurs maina la Slovene Ana Drev. Lara Gut è quarta cun in retard da 61 tschientavels.
Segunda è suenter l’emprim percurs la Tudestga Viktoria Rebensburg cun in retard da sulet 4 tschientavels. Sin plazza trais è l'Austriaca Eva-Maria Brem ella perda sin la pli svelta 40 tschientavels. Lara Gut è la suletta Svizra ch'è sa qualifitgada per il segund percurs. Lez cumenza a las dudesch ed in quart.
