Slalom gigant a Sölden - Duas Talianas domineschan – Gisin gist dasper il podest

Michelle Gisin egualisescha ses meglier resultat da sia carriera en il slalom gigant – cun il quart plaz a Sölden tar l'avertura da la cuppa mundiala. Ella perda 1.30 secundas sin la victura, la Taliana Marta Bassino. Segunda daventa cun Federica Brignone ina segunda Taliana, terza la Slovaca Petra Vlhova.

1. Marta Bassino (2:19.69)
2. Federica Brignone (+ 0.14)
3. Petra Vlhova (+ 1.13)
4. Michelle Gisin (+ 1.30)

Gut-Behrami era top 10

Tschintg da set Svizras han cuntanschì il segund percurs a Sölden. A Lara Gut-Behrami tanschì era da vegnir en las top 10, cun in retard da 2.56 secundas daventa ella 8avla. Andrea Kellenberger perda 3.54 secundas sin la victura, e fa rang 11. Priska Nufer vegn 22avla e Wendy Holdener 26avla.