Il podest
- 1. Federica Brignone (ITA) 2:21,15 minutas
- 1. Petra Vlhova (SVK) +0,00
- 3. Mikaela Shiffrin (USA) +0,01
Tar il slalom gigant a Sestriere en l'Italia hai dà ina victoria dubla. La Slovaca Petra Vlhova e la Taliana Federica Brignone èn stadas cun exact il medem temp las pli sveltas. Il podest cumplettescha cun be 1 tschientavel secunda retard, l'Americana Mikaela Shiffrin.
Meglra Svizra è Wendy Holdener sin plaz 4 – quai cun in retard da 38 tschientavels sin las duas victuras. Bain èsi gartegià a Holdener da sa meglierar en il segund percurs per in plaz, per il podest n'hai dentant betg pudì tanscher.
Las ulteriuras Svizras
- 16. Michelle Gisin +2,80
- 21. Andrea Ellenberger +3,38
- 23. Lara Gut-Behrami +3,69
Michelle Gisin ch'era suenter l'emprim percurs anc sin plaz 12, n'ha en il segund percurs betg pudì far in pass enavant. Ella è crudada enavos sin plaz 16. Er sa qualifitgadas per il segund percurs eran Andrea Ellenberger e Lara Gut-Behrami. Ad ellas èsi bain gartegià da far bun intgins plazs, per in plaz tranter las emprimas 20 n'hai dentant betg tanschì.
Betg sa qualifitgadas per il segund percurs eran Aline Danioth, Simone Wild e Mélanie Meillard.
RTR novitads 12:00