Julie Zogg ha gudagnà il slalom parallel da snowboard a Bannoje en la Russia. En il final ha la Svizra battì la Tudestga Cheyenne Loch. Per Zogg èsi la sisavla victoria en la cuppa mundiala.
Plinavant è Patrizia Kummer vegnida 7avla, Ladina Jenny 13avla e
Jessica Keiser 2aavla.
Caviezel ha manchentà per pauc il podest
Tar ils umens ha Dario Caviezel be manchentà il podest per pauc. Il Grischun ha pers il final pitschen cunter il Russ Andrej Sobolew ed è vegnì quart. Nevin Galmarini è crudà en l'otgavelfinal.