Siglir tar il cuntegn

Header

Andri Ragettli
Legenda: Keystone
cuntegn

Slopestyle Ragettli sgola danovamain sissum il podest

Il freeskier da Flem Andri Ragettli po festivar sia segunda victoria da la cuppa mundiala en seria. Il Grischun da 21 onns ha gudagnà il slopestyle a Calgary avant dus americans.

Colby Stevenson è vegnì segund, Nicholas Goepper terz. Per Ragettli èsi la 7avla victoria en la cuppa mundiala. Cun quella surpiglia el er gist la testa en il classament general, avant ses cumpatriot Fabian Bösch ch'è vegnì 11avel a Calgary. Gia l'emna passada aveva Ragettli triumfà a Mammoth Mountain.

Gremaud vegn segunda

Er tar las dunnas hai dà ina plazza da podest. Suenter duas victorias en il Big Air ha Mathilde Gremaud per l'emprima giada en questa stagiun dumagnà sin in podest tar il slopestyle. La Friburgaisa da 20 onn è vegnida segunda.

Podest per Burgener en halfpipe

En la halfpipe a Calgary hai era dà ina plazza da podest svizra. Pat Burgener è vegnì terz. Megliers ch'il Vallesan èn be stads il Giapunais Ruka Hirano e l'Australian Scotty James. L'ulteriur Svizzer Jan Scherrer è vegnì quart. Ses collega da team David Hablützel 6avel.

Tar la dunnas è Verena Rohrer sco 5avla stada la meglra svizra.

RTR novitads 06:00+