En las Pireneas franzosas vegn la Grischuna Giulia Tanno segunda en la concurrenza da slopestyle gist avant sia collega d'equipa Sarah Hoefflin. Las duas snowboardistas svizras han be stuì laschar batter da la Franzosa Tess Ledeux. Tar la quarta cursa en la cuppa mundiala en questa stagiun vegn Giulia Tanno per la quarta giada segunda. Ils ulteriurs podests ha la Grischuna da 21 onns realisà en las concurrenzas da Big Air.
Per la campiunessa olimpica Sarah Hoefflin èsi ses emprim podest en la cuppa mundiala dapi passa 1 onn. Tar ils umens manchenta Andri Ragettli da Flem per pauc il podest e vegn quart. Segund meglier Svizzer en l'emprima concurrenza da slopestyle da la stagiun vegn Fabian Bösch sco tschintgavel.
RTR novitads 14:00