Siglir tar il cuntegn

Header

Purtret da Julie Zogg suenter ina cursa da slalom parallel.
Legenda: Keystone
cuntegn

Snowboard Julie Zogg profitescha da finiziun anticipada

Suenter pliras desditgas èsi ussa cler che la Svizra Julie Zogg gudogna il classament general en la disciplina dal slalom parallel.

Perquai che la Federaziun internaziunala da skis FIS n'ha chattà nagin remplazzament per il final da la stagiun, ha la Svizra da 27 onns gudagnà la culla da cristal pitschna. Quai è sia terza suenter ils onns 2015 e 2019.

Suenter trais cursas ha Zogg 640 puncts dapli sin il conto che la segunda, la Tudestga Ramona Hofmeister. Quella gudogna la culla da cristal gronda. Tar ils umens triumfescha il Talian Roland Fischnaller en il classament general.

Il final a Winterberg en Germania han ils organisaturs desditg perquai ch'i ha memia pauca naiv. Il final avess gì lieu ils 14 e 15 da mars.

Ord l'archiv da SRF:

Video
Julie Zogg sin il podest a Gastein
Or da sportaktuell dals 14.01.2020.
laschar ir

RTR novitads 10:00