Siglir tar il cuntegn

Header

Squadra da skis svizra.
Legenda: Las skiunzas ed ils skiunzs svizzers. Keystone
cuntegn

Naziunal/Internaziunal Sölden: partenza en nova stagiun cun ils trumfs Gut e Janka

Per l’emprima giada dapi blers onns parta la Svizra cun Lara Gut sco defensura dal titel en la nova stagiun da skis. Janka è in dals trumfs tar ils umens.

Lara Gut è l’emprima skiunza svizra dapi la ‘gronda’ Vreni Schneider che ha gudagnà la cuppa da cristal gronda per il classament general da la cuppa mundiala da skis. 6 cursas ha Lara Gut gudagnà la stagiun passada, duas da quellas en la disciplina da basa, il slalom gigant. Cun questa disciplina cumenza la nova stagiun a Sölden. Era qua ha Lara Gut gia gudagnà: Il 2013 è ella stada sisum il podest.

Tar ils umens èn las speranzas tar Carlo Janka. Il campiun mundial e campiun olimpic en questa disciplina n'è dentant betg anc enavos sin il nivel da pli baud. Suenter l’emprima cursa è dentant cler nua ch'ins stat.

RR actualitad 08:00