Siglir tar il cuntegn

Header

Gieu da ballape cun public.
Legenda: Gieus da ballape cun public pudessan esser pussaivels gia il fanadur. Keystone
cuntegn

Sport e coronavirus Bainbaud gieus da ballape cun aspectaturs?

En Svizra pudessi bainbaud puspè dar gieus da ballape cun fans en il stadion.
Quai ha Daniel Koch, il delegà per il coronavirus da la Confederaziun, ditg en l’emissiun «Sportpanorama». Sch’il dumber da las novas infecziuns restia bass u diminueschia, pudessan gieus cun aspectaturs esser pussaivels gia il fanadur, uschia Koch.

La cundiziun saja, ch’ins possia persequitar enavos a maun da las reservaziuns, tgi che seseva dasper tgi en il stadion. En pli pudessi dar in obligatori da mascras a l'entrada, sch'i n'è betg pussaivel da tegnair en las distanzas en la fulla da glieud.

Decider davart gieus da ballape cun u senza aspectaturs, decidia però il Cussegl federal. E quel infurmescha questa mesemna suentermezdi davart il segund pass da schluccadas, ch'entra en vigur ils 8 da zercladur.

video
Daniel Koch: «Jau cussegl d'avrir uschè baud sco pussibel»
Or da Sport-Clip dals 24.05.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga