- Nadine Fähndrich triumfescha en il sprint a Dresden.
- Per la giuvna da 25 onns è quai sia emprima victoria en la cuppa mundiala.
En il sprint a Dresden era la Lucernaisa Nadine Fähndrich la pli svelta. Segunda è vegnida l’Americana Sophie Caldwell. Sin plazza trais è vegnida Anamarija Lampic da la Slovenia.
Segund meglra Svizra è stada Laurien van der Graff sco 5avla. Nadine Fähndrich è pir la terza Svizra che gudogna ina cursa en la cuppa mundiala da passlung. Avant era quai gartegià be anc ad Evi Kratzer ed a Laurien van der Graff.