Siglir tar il cuntegn
Inhalt

Naziunal/Internaziunal Sprint d'equipas a Dresden – Svizra sin il quart plaz

Jovian Hediger e Roman Schaad cuntanschan en il sprint d'equipas da cursa lunga en stil liber a Dresden il quart plaz. Schaad è vegnì batti per sin ils ultims meters.

Il sprint d'equipa a Dresden.
Legenda: Il sprint d'equipa a Dresden. Keystone

Gudagnà ha il duo talian cun il campiun mundial Federico Pellegrino e Dietmar Nöckler avant la Svezia e la Russia. La segunda equipa svizra cun Roman Furger ed Erwan Kaeser è vegnida 10avla.

Il podest umens

  • 1. Dietmar Nöckler / Federico Pellegrino (Italia) 12:18,31
  • 2. Emil Jönsson / Teodor Peterson (Svezia) + 1,07
  • 3. Andrej Krasnow / Gleb Retiwych (Russia ) + 1,23

En il sprint d'equipas da las dunnas ha Laurien van der Graaff cumbattì ensemen cun Nadine Fähndrich tochen curt avant la fin per il podest. En quest cumbat è la sportista da Tavau van der Graaff dentant ruclada ed il siemi da podest è stà a fin.

Il podest dunnas

  • 1. Ida Ingemarsdotter / Maja Dahlqvist (Svezia) 13:33,40
  • 2. Hanna Falk / Stina Nilsson (Svezia) + 0,16
  • 3. Ida Sargent / Sophie Caldwell (USA) + 0,23

RR Sportissimo 12:00