Siglir tar il cuntegn

Header

cuntegn

Sprint da las dunnas Trumpada per curridras svizras

En il sprint da las dunnas a Lai hai dà ina surpraisa: Gudagnà quel sprint ha la Slovena Anamarija Lampic ch'ha battì en il sprint final mo per il nair da l'ungla la Norvegiaisa Maiken Caspersen Falla e la Russa Natalia Neprjajewa.

Per las curridras svizras hai dà ina trumpada. Tant Nadine Fähndrich sco er Laurien van der Graaff èn crudadas or gia en il quartfinal, quai suenter ch'ellas avevan anc persvadì fitg en il prolog.

Selina Gasparin n'ha betg cuntanschì il quartfinal en il stil liber. La biatleta ch'ha prendì part a quellas duas emprimas etappas dal Tour de ski sco bun trenament per las proximas cursas da biatlon. Uss banduna Selina Gasparin puspè il Tour de ski e mida puspè en la cuppa mundiala dal biatlon.

Glindesdi datti in di da pausa e mardi cuntinuescha il Tour de ski a Toblach. Sin il program stat là l'emprim ina cursa da distanza en stil liber. A fin va il Tour de ski silsuenter en la Val di Fiemme.

RTR sportissimo 17:00