Naziunal/Internaziunal - Squadra da passlung svizra manchenta podest
Cologna, Livers, Baumann e Perl èn vegnids quarts en la staffetta ad Ulricehamn en Svezia. Quai è il meglier resultat dapi la victoria istorica l'onn 2010.
Per vegnir sin il podest han mancà sulettamain 1,3 secundas e per gudagnar 1,8 secundas. En il spurt final d'ina gruppa da nov ha Curdin Perl stuì sa laschar batter mo da la Norvegia, la Svezia ed il Canada. Avant avevan Jonas Baumann, Dario Cologna e Toni Livers tegnì la Svizra davanttiers.
Gudagnà ha la Norvegia avant il Canada e la Svezia.