Siglir tar il cuntegn

Header

cuntegn

St. Anton Sofia Goggia gudogna la cursa rapida

Las skiunzas Svizras manchentan per l'emprima giada questa stagiun il podest en la cursa rapida. Corinne Suter ch'era tar las emprimas duas cursas rapidas da la stagiun mintgamai vegnida emprima ni segunda vegn a St. Anton en l'Austria sisavla.

La Taliana Sofia Goggia è stada ina classa per sasez. La spezialista da speed n'ha laschà nagina schanza a la concurrenza ed è a la fin stada bunamain ina secunda pli svelta che la segunda, l'Austriaca Tamara Tippler, e l'Americana Breezy Johnson sco terza.

video
La cursa da Sofia Goggia
Or da Sport-Clip dals 09.01.2021.
laschar ir

Er Corinne Suter, ch'aveva gudagnà l'emprima cursa rapida da la stagiun, n'ha betg pudì tegnair pitg a Goggia – a la fin è Suter arrivada cun 1.16 secundas retard en l'arrivada. En las ultimas set cursas da speed era Suter mintgamai vegnida tranter las top trais.

video
La cursa da Corinne Suter
Or da Sport-Clip dals 09.01.2021.
laschar ir

Cuntenta cun ses resultat dastga esser Jasmine Flury. La Grischuna ch'è partida cun il numer 24 vegn a la fin 14avla.

Il classament:

  • 1. Sofia Goggia 1:24.06
  • 2. Tamara Tippler +0.96
  • 3. Breezy johnson +1.04

Las Svizras:

  • 6. Corinne Suter +1.16
  • 8. Lara Gut-Behrami +1.34
  • 14. Jasmine Flury +1.74
  • 20. Michelle Gisin +1.86
  • 20. Joanna Hählen +1.86

RTR Novitads 14:00

Artitgels legids il pli savens

Scrollar a sanestra Scrollar a dretga