Siglir tar il cuntegn
cuntegn

Naziunal/Internaziunal Staffetta da passlung fan quarts a Beitostølen

La staffetta da passlung dals umens ha cuntanschì en la cuppa mundiala a Beitostølen en Norvegia il quart plaz. Be las staffettas da la Norvegia, la Russia e Norvegia II han battì ils Svizzers Livio Bieler, Dario Cologna, Toni Livers e Roman Furger.

Livio Bieler ha surdà a Dario Cologna sco 9avel. Lez ha pudì far bun 5 plazs en il stil classic ed ha surdà a Toni Livers sco 4. Livers è sa mantegnì en la gruppa davant ed ha surdà a Roman Furger ch'ha salvà il 4. plaz en il spurt final cunter il spezialist da sprint Renaud Jay. In meglier resultat hai dà tar la stafetta svizra mo 1 giada tar cursas da la cuppa mundiala – quai cura ch'els avevan gudagnà avant 8 onns a La Clusaz.

Er tar las dunnas ha la staffetta norvegiaisa gudagnà. Las dunnas Svizras n'èn betg stadas a la partenza – quai per pudair sa preparar optimal sin la cursa da la cuppa mundiala a Tavau la fin d'emna che vegn.

RR novitads 17:00