Staffetta dals umens gudogna aur

La staffetta svizra dals umens cun il trio Fabian Hertner, Daniel Hubmann e Matthias Kyburz ha gudagnà suveran aur al campiunadi mundial da cursas d’orientaziun ad Inverness en Scozia.

Il trio svizzer cun Fabian Hertner, Daniel Hubmann e Matthias Kyburz. Bild in Lightbox öffnen.

Legenda da maletgs: Il trio svizzer cun Fabian Hertner, Daniel Hubmann e Matthias Kyburz gudogna la segunda medaglia dad aur per la Svizra. SRF

Cunquai èn ils Svizzers per l’emprima giada endretg campiuns mundials dapi il 1995. Gia il 2009 en l’Ungaria eran ils Svizzers stads ils victurs. Avant 6 onns avevan els dentant survegnì regalà la medaglia dad aur. Il davos currider svedais ch’era a la testa era sa blessà, ils curriders ch’era sin ils chaltgogns ad el han dà emprim agid. Matthias Merz n’aveva betg vesì quest accident ed uschia cuntanschì l’arrivada sco emprim.

En Scozia ha la staffetta svizra gudagnà aur avant il Norvegiais ed ils franzos.

Nagina medaglias per las dunnas svizras

La staffetta svizra da las dunnas ha manchentà da gudagnar ina medaglia al campiunadi mundial da cursas d’orientaziun ad Inverness en Scozia. Las defensuras dal titel han stuì sa cuntentar cun il 5avel plaz suenter che la davosa curridra, Sara Lüscher, ha pers il contact cun las pli spertas.

Gudagnà suveran aur ed uschia nov campiun mundial è la staffetta dal Danemarc.

RR novitads 20.00