Il quartet svizzer cun Mario Dolder, Benjamin Weger, Serafin Wiestner e Simon Joller ha perfin pudì siemiar in mument d’ina medaglia. Weger è currì ina ferma segunda runda ed ha surdà cun be 10 secundas retard sco quart. Joller ha la finala segirà a la Svizra il 7avel plaz en il sprint final cunter la Slovenia.
Aur per Germania
La Germania è ida per aur a quest campiunadi mundial. Erik Lesser, Daniel Böhm, Arnd Peiffer e Simon Schempp han gudagnà suveran avant il defensur dal titel Norvegia ed avant la Frantscha. Igl è l’emprima victoria da staffetta tudestga ad in campiunadi mundial dapi il campiunadi 2004 a chasa.
RR novitads 20:00