Per la stagiun da hockey 2019/20 na datti nagin campiun svizzer. Quai ha la liga ed ils clubs da la National League e la Swiss League decis oz suentermezdi durant la sesida extraordinaria ad Ittingen. Plinavant na datti ni promoziuns ni relegaziuns d'equipas.
Finiziun anticipada
Suenter che las autoritads dal Tessin han proclamà il stadi d'urgenza aveva la federaziun da hockey decis da terminar la stagiun. Quai avevan ils clubs decis ensemen cun las ligas National League e Swiss League. Uschia ha communitgà la Federaziun svizra da hockey. Ina finiziun anticipada vala er per las ligas pli bassas.
RTR novitads 11:00