Legenda:
Anna Fenninger valeva er en la nova stagiun sco gronda favurita sin la rucla gronda da cristal.
Keystone
cuntegn
Naziunal/Internaziunal - Stagiun a fin per Anna Fenninger
Per Anna Fenninger è la stagiun da skis a fin avant ch’ella ha cumenzà. La skiunza austriaca è cupitgada grevamain en il trenament a Sölden e rut il liom cruschà la schanugl sanester.
Anna Fenninger era vid il trenar per l’emprima cursa da la stagiun sonda proxima sin il glatscher da Rattenbach sur Sölden. Tar ina cupitgada è la victura da la cuppa mundiala da las duas stagiuns passadas sa blessada uschè fitg ch’ella croda ora l’entira stagiun. Sco quai ch’il medi dals skiunzs austriacs, Christian Hoser, communitgescha, sto Anna Fenniger vegnì operada.
