Naziunal/Internaziunal - Stagiun è a fin per ils Calgary Flames
Ils Calgary Flames èn crudads ora en ils playoffs da la National Hockey League. L’equipa da Bob Hartley ed il defensur svizzer Raphael Diaz ha pers il 5avel gieu ordaifer encunter ils Anaheim Ducks cun 2:3 suenter prolungaziun e uschia la seria cun 1:4.
La decisiun è crudada en la terza minuta da la prolungaziun. Lura ha l’attatgader Corey Perry tuc per l’equipa da la California. En il final da la Western Conference frunta Anaheim sin ils Chicago Blackhawks ch’han gudagnà la seria encunter Minnesota Wild suveran cun 4:0.
Jonas Hiller n’ha danovamain betg astgar giugar en il cader da Calgary. Ses concurrent Karri Ramo ha tegnì 44 da 47 sajets.
