Siglir tar il cuntegn
Inhalt

Naziunal/Internaziunal Stan Wawrinka en la terza runda – Teichmann out

A l'US Open ha Stan Wawrinka gudagnà cunter il qualifitgant franzos Ugo Humbert en quatter sets cun 7:6, 4:6, 6:3 e 7:5. Tar las dunnas è cun Jil Teichmann però er l'ultima Svizra dada or a New York.

Giugader da tennis svizzer.
Legenda: Stan Wawrinka en acziun. Keystone

Stan Wawrinka è en la terza runda da l'US Open. La partida tranter Wawrinka ed Humbert ha durà radund 200 minutas. I sa tracta da la 40avla victoria da Stan Wawrinka a New York.

En la proxima runda frunta Wawrinka sin il Canadais Milos Raonic. Lez ha battì il Franzos Gilles Simon.

Tut las Svizras out

Era per la davosa Svizra è l'US Open a la fin. Jil Teichmann ha pers questa notg ses gieu da segunda runda cunter Kaia Kanepi da l’Estonia en dus sets cun 4:6 e 3:6. Uschia è era la davosa Svizra crudada or dal turnier.

Tuttina dastga la Svizra da 21 onns esser cuntenta – igl è stà l’emprima giada ch’ella ha dastgà far part ad in turnier da Grand Slam.

RR novitads 21:00