Siglir tar il cuntegn

Header

giugaders da hockey svizzers suenter la terrada.
Legenda: Fatschas lungas suenter la terrada cunter ils Stadis Unids. Keystone
cuntegn

Naziunal/Internaziunal Staziun finala quartfinal

Per la squadra naziunala svizra da hockey è il campiunadi mundial en Tschechia a fin suenter il quartfinal. Ils Svizzers han pers la partida cunter ils Stadis Unids cun 1:3, quai suenter ch'els manavan cun 1:0.

En il segund terz han ils Americans però dumagnà d'egualisar en la 31avla minuta, curt suenter è lura crudà il segund gol. Ed en la 51avla minuta è reussì il gol da victoria per ils Stadis Unids.

Canada è suenter 6 onns puspè en il mez-final

En la segunda partida da quartfinal ha il Canada declassà la Bielorussa cun 9:0. Ils Canadais stattan cunquai per l'emprima giada dapi il 2009 puspè en il mezfinal dal campiunadi mundial.

Il defensur dal titel ed il pajas ospitant èn vinavant sin curs

Per la runda dals 4 megliers è er sa qualifitgà il defensur dal titel, la Russia.
Ils Russ han battì ils Svedais cun 5:3 e fruntan uschia la sonda sin ils Stadis Unids.

Cun la Tschechia ha er il pajais ospitant dumagnà il pass en il mez-final. Ils Tschecs han battì ils Finlandais cun 5:3.

RR novitads 18:00

Artitgels legids il pli savens

Scrollar a sanestra Scrollar a dretga