Il velocipedist dal chantun Turgovia po uschia festivar si'emprima victoria d'etappa en il rom da quest'ediziun. Küng ch'ha gia purtà durant quatter dis il trikot da leader mellen è stà 19 secundas pli spert ch'il Danais Sören Kragh Andersen e 23 secundas pli spert che l'american Tejay van Garderen.
Victur dal Tour de Suisse è Richie Porte
Gudagnà il gir tras la Svizra ha Richie Porte da l'Australia, in collega da team da Küng dar BMC. Segund è il danais Jakob Fuglsang, terz Nairo Quintana da la Columbia.
RR novitads 17:00