Siglir tar il cuntegn
cuntegn

Naziunal/Internaziunal Suenter 25 onns: Adia «Sauber»!

Il team da furmla 1 da Hinwil sa numna a partir da la nova stagiun «Alfa Romeo Racing». Suenter 25 onns svanescha il num «Sauber» uschia ord la furmla 1.

Il nov auto “Alfa Romeo Racing”.
Legenda: Il team da Hinwill collavura dapi l'onn passà cun cun Alfa Romeo. Keystone

Quai che pertutga las relaziuns da possess e management na datti però naginas midadas, sco quai ch’i ha num en la communicaziun. Dapi l’entschatta da la collavuraziun cun Alfa Romeo il 2018 haja il team fatg gronds progress. Quai tant en il sectur da fatschenta sco er sportiv.

Il team da la Surselva Turitgaisa aveva fatg ses emprim pass en il circus da la furmla 1 il 1993. Dal 2005 fin il 2009 ha il producent da BMW surpiglià il team per gronda part. Silsuenter è quel lura puspè ì cumplettamain en ils mauns dal fundatur Peter Sauber.

Cun Räikkönen e Giovinazzi en la nova stagiun

Il 2019 vegnan Kimi Räikkönen ed Antonino Giovinazzi ad esser ils pilots dal team d'Alfa Romeo.

RR novitads 11:30