Siglir tar il cuntegn

Header

cuntegn

Naziunal/Internaziunal Suenter ils penaltis èsi a fin per il patrun-chasa

La Croazia è en il mezfinal dal campiunadi mundial da ballape en Russia. En il quartfinal han ils Croats battì la Russia cun 4:3 suenter sajettar penaltis.

Il mezfinal tranter la Russia e la Croazia è vegnì decis dals penaltis. Suenter la prolungaziun stevi anc 2:2.

Per ils Croats ha Vida sajettà il gol en la prolungaziun, quai en la 101avla minuta. Tschintg minutas avant la fin da la prolungaziun ha Mario Fernandes lura anc pudì egualisar sin 2:2 per ils Russ.

En il temp da gieu regular aveva Tscherischew fatg il gol per ils Russ en la 31avla minuta. Il Croat Kramaric aveva lura egualisà il resultat cun ses gol en la 39avla minuta.

L’Engalterra spetga

La Croazia stat per la segunda giada en in mezfinal d'in campiunadi mundial suenter il 1998. Questa giada frunta la Croazia sin l'Engalterra. Quels èn dapi 28 onns puspè ina giada en in mezfinal dad in campiunadi mundial.

En il quartfinal avevan ils Englais battì la Svezia cun 2:0. Da pausa stevi 0:1 per l'Engalterra tras in gol da Jacob Harry Maguire en la 30avla minuta. Il segund gol ha il giuven da 22 onns, Dele Alli, sajettà en la 58avla minuta.

RR novitads 17:00+

Artitgels legids il pli savens