Siglir tar il cuntegn

Naziunal/Internaziunal Suenter pli che 30 onns turna Alfa Romeo sin la pista da furmla 1

Il team da furmla 1 «Sauber» collavura en ils proxims onns cun la marca d'autos Alfa Romeo che fa part dal concern d'autos Fiat.

Marcus Ericcson durant d'in trenament il 2017
Legenda: Marcus Ericcson pudess esser il pilot. Keystone

Gia avant era vegnì enconuschent ch'ils autos giajan a partir da proxim onn cun motors da Ferrari. Tenor Sauber cumpiglia il partenadi ina collavuraziun strategica, commerziala e tecnologica.

Per Alfa Romeo è quai in return tar furmla 1 suenter pli che 30 onns: Ils emprims dus campiuns mundials charravan gia in Alfa Romeo. Numnadamain Giuseppe Farina il 1950 ed era Juan Manuel Fangio ha gudagnà l'emprim da ses tschintg titels cun in Alfa Romeo il 1951.

Ils passagiers èn anc malsegirs

Davent da l'auter'onn ha il team num «Alfa Romeo Sauber». Tgi che vegn a seser en l'auto da furmla 1 n'è betg anc enconuschent. Il duo pudess dentant sa metter ensemen dal pilot svedais Marcus Ericcson e dal monegass Charles Leclerc da la scola d'autos Ferrari.

RR novitads 12:00