Il podest
- 1. Kjetil Jansrud (NOR) 1:14,61
- 2. Matthias Mayer (AUT) +0,16
- 2. Aleksander Kilde (NOR) +0,16
Il Norvegiais Kjetil Jansrud gudogna la cursa da super-G a Kitzbühel. Per il skiunz da 34 onns è quai la 23avla victoria en la cuppa mundiala – e l'emprima giada ch'el po puspè triumfar dapi la fin da november 2018. Il segund plaz partan l'Austriac Matthias Mayer ed il Norvegiais Aleksander Kilde. L'avantatg da Jansrud sin ils segunds munta a 16 tschientavels.
Ils Svizzers
- 4. Mauro Caviezel +0,49
- 7. Beat Feuz +0,89
- 13. Marco Odermatt +1,34
- 28. Gilles Roulin +1,94
- 33. Ralph Weber +2,06
- 34. Stefan Rogentin +2,07
- 35. Gino Caviezel +2,10
Mauro Caviezel che mussa gia durant l'entira stagiun ina prestaziun constanta, suonda sin plaz quatter. El perda 49 tschientavels sin Jansrud. Beat Feuz è sin plaz 7 e Marco Odermatt sin plaz 13.
Crudads ora èn il skiunz da Samignun, Thomas Tumler sco era Carlo Janka da Sursaissa.
RTR novitads 14:00